كان كلامنا كله عادى .. شعر زهره مصطفى
كان كلامنا كله عادى
ضحكة وشوية عتاب
كان بيسمعنى ف هدووووء
وانا بين فرحة .. وعذاب
ضم كفى جوا إيده
نبضى تاه ف بحور وريده
روحى هامت غصب عنى
*****
كان بيخطفنى بحنانه
وكنت محتاجه لجنانه
كنت حاسة كتير حاجات
زى غصن فى حضن شجرة
هزته النسمه ف مال
بس حاسس بالامان
*****
كنت بهرب منى ليا
عاوزة حلمى يطول شويه
هلقى فين الصدفة ديا
تهدينى روح الحياة
******
رغم انى عارفه انه
كان ساعتها بيواسينى
قصده انسى الحزن وافرح
بمسح الدمعه ف عينى
ايوه عارفه ........
بس كنت اتمنى ينسى
عدى ايه م الوقت بينا
وبينا كام م الوقت باقى
# زهرة مصطفى
تعليقات
إرسال تعليق