ياريتك معايا
شعر / زهرة مصطفى
ياريتك معايا
ومنى قريب
كانت جروحى
فى حضنك تطيب
تلملم حكايا العمر
اللى ضاع
وتوصل ثنايا البعد
اللى عشش فوق
خدود ورد الهجير
ياريتك معايا
وايد جوا ايد
تمسح بشوق
فوق جبين الليالى
وحبى الوليد
ياما عشته
فى حلمى البعيد
ونعيش ليالى
ماليها الأمان
ومنك عليك قلبى يغير
أيوه يغير ....
من نفسى عليك
ومن كل نظرة
تشاغل عينيك
أو كلمة حلوة
اكتبها ليك
أو وشم رسمت
اسمك عليه
انا اللى ياما
شغلنى عيون
وقلبى ما مال
ولا حس قول
وياما أتمنى الليالى
تطول
وحلمى البعيد
منك يطول
وألاقى قلوبنا
واخدها الحنين
وننسى الهموم
نفرح ... نعيش
قلبى اللى حبك
ما يعرف له خوف
انا اللى عنيده
وضعيفه
وبعيده
انا لو ها حبك
نفسى عليك
منى تغير
لو ترضى بحبى
انا اشرط عليك
اوعاك عيونك
لواحدة تميل
لانى فى حبى
بحب بضمير
تعليقات
إرسال تعليق