هدو العشش

 

هدو العشش

شعر _ أحمد سيد حسين

ردموا الكانون

حدفو النوايا الزير وقع

طبليتي

وحشاها رابع رجلها

والكون عيون

صابها العشى

الكل مؤمن انه آية من السما

وبيسألو 

مين الشيطان

انا قلبي لما حدفتة بشوية هوى

سّقط رُطب

بللها دمعى من البعاد

طرحت سما

قمراية وشوية نجوم

الشمس آخر حلم ف عينيك اللذاذ

والديب مجاز

نضارتي لما كسرتها ف لحظه شقاوة

لملمتهالي وشدتيني على الطريق

ف طمعت اكتر م الهداية

وهأت لِيك

انا مش ملاك

والرؤيا كانت 

وهم اقرب للكابوس

بس العجيبة اني ف منامي

كنت دايما بابتسم

احمد

شخبيط