كيف نفر ق بين سمك المزارع والسمك البلدي (نيلى او بحرى) وقيمة كل منهم الغذائيه ؟
كتب _ د . سعيد متولي أخصائي التغذية والصحة العامة
١- اسماك المزارع بتبقى كلها حجم واحد وكأنها اصطمبات
وده منطقى جدا دى اسماك اتجمعت فى عمر واحد واتحطت فى نفس الاحواض وبعد نفس المدة اتجمعت ونزلت الاسواق فبتكون كلها شبه متماثلة فى الحجم
اما اسماك البحر فبتبقى تشكيلة من احجام مختلفة وحتى كمان هتلاقى انواع مختلفة وسط اسماك النوع الواحد.
٢ - اسماك المزارع لونها افتح من الاسماك البحرية اللى الوانها بتبقى تميل البني او الغامق.
٣ - من الحاجات المهمة برضه انك لما تيجى تبص على خياشيم اسماك المزارع هتلاقيها اغمق شوية بسبب طين المزرعه اما الاسماك الحرة فمفيش فيها الطينة دى وبتبقي حمرا ووردية .
٤ - الاسماك البلدى تشم فيها ريحة يود البحر اما اسماك المزارع فمش هتلاقى فيها الريحة دى نهائيا.
٥ - عند فتح بطن الاسماك البلدى هنلاقى فيها اكل الاسماك الطبيعى من بيئته الطبيعية سواء كان اصداف او جمبرى او غيره واللون اسود
اما اسماك المزارع فغالبا هتكون امعاءها فاضية لانه بيتم منع الاكل عن الاسماك قبل جمعها بايام ولونها ابيض. او جواها بقايا اعلاف واشياء مش ولا بد نهائيا.
ونوصى بتجنب اسماك المزارع قدر المستطاع
لان سمك المزارع ...بيتم زراعته بفكرة التسمين ..عشان كدا دهونه كتير جدا والاوميجا3 فيه مش بنسب تذكر وبالتالي هيكون اقل طعم وفائدة..
لكن السمك البلدي اغني باوميجا3 بكتيرودهون اقل وبالتالي الطعم احلي .
ولكن لو مافيش متوفر الا المزارع ..يبقي بقدر الامكان اشتري متوسط الحجم ويكون نظيف وصاحي وجسمه لامع والخياشيم سليمه غير متسخة وخالية من اي حشرات..
تعليقات
إرسال تعليق