القلب كتير بيحن ..يميل
شعر زهرة مصطفى
مالهوش غير حلم بسيط وجميل
ويعدى اليوم .. يجى بعده اليوم
و سنين بتفوت .. و الوقت يموت
و البال خالى
والعمر يضيع حواديت حواديت
وف لحظة شوق
بتاخدنا لفوق عن كل الكون
وتخبينا
نرجع تانى ..
و نقول تانى
القلب صفا وﻻ جفانى
ونكتب اشعار
ونغنى اهات
انا كده محتار ويا زمانى
ياقليب جواه حب واشواق
انا خايفه عليك غدر زمانى
هتحب ؟
حب متسألنيش
ازاى هتعيش وهتعمل ايه
مهما جرالك
خلينى هناك ويا اﻻحلام
انا هستناك
علشان عارفاك
هتعدى ايام
فى غرام وهيام
وتفوق من النوم ترجع تانى
هضحك وهاعيش
وكأن مفيش
ﻻ جراح فى حشاك
وﻻ كلمة عتاب
تسألنى ازاى
راح ينسانى
جميلة تنفع اغنية يلزمها اللحن
ردحذف