مع الاحلام .. بفلم. زهرة مصطفى

 

 مع  الاحلام _

هو .. صباح مالى عيونك ضى 

        مشتاق له ومستنيه ..

        حابب اشوف فى عيونك  

        نظرة  امل  لبكرة الجاي وكله حنين  .. 

هى .. صباحك شايل زهور قلبى 

          يفوح عطره ويملا الكون 

هو ... دعوة بإسمك في ظل القلب شايفها ومستنى اشوف الرد فى عينيكى  ..

اغنيكى  ..

هى ... احساسي ليه كان مفقود 

          بأن الدنيا  فيها نور  ؟؟!

هو ...  انا لسه بشوف رسمك 

          بسمه حلوة في ملامحك 

          عشان ايه  تخبيها  ؟!!

هى .. أنا جرحى مالوش آخر  ..

         وقالوا ياما  نداويها  .. 

         وكل الوقت  ما يعدى  .. 

         أنا  استنى  طبيب  ليها  ..

هو ... مع قلبى الجراح هتطيب 

          تعالى نودع الأحزان  .. 

          ونرمى  الهم  لماضينا .. 

         وخلى صورنا مع الذكرى.   

            تحليها  .. 

هى .. فى كل لحظة نقابلها بيتولد 

         جديد فيها.. وفيها يموت الف  

             أنين  .. 

         حياة صعبه وحبتها ما دام اللحظة معاك واقفه  بكل حنين  .. 

هو ... تعالى نعيش  ونستسلم لحلم 

             خيالنا 

         ونسلم بإن الحب اتولد  فينا  .. 

         نعيش الحلم بالألوان.. 

         بلاش أبيض على اسود  .. 

         ولون الورد  أشكاله  والوانه 

          لوحة هايمة في البستان 

هى .. انا وياك  بشوف الحلم على 

                  كيفى  .. 

         أنا بنسى أنين  قلبى  .. 

         أنا  برتاح  .. 

         انا حابه  تكون جنبى كفانا 

               عناد  ...

هو ... تعالى ندور على روحنا 

         ونقتل فيها كل آلام  .. 

هى .. أنا الليله هاغمض عينى واشوف حلمى  .. 

         وانسج منه  خيوط دربي قلوب هايمة  .. 

         ولو حبى  نسيج روحى  !!

         انا هاخترعه م  الوجدان..

         مانيش محتاجه للدنيا .. 

          انا وخيالى  

         باكون أجمل فى ليلة حب 

         برسمها مع نفسى ..

         مع الأحلام  .. 

هو ... تعالى نتوه مع الدنيا 

هى .. بلاش للدنيا  ابيع قلبى 

         انا فى الحلم  كتير حاسه 

         باكون في امان ...

# زهره  #