الشــــــــــــــــــــاى

 

كتب _ د. سعيد متولي أخصائي التغذية والصحة العامة 

الشاى من المشروبات التى تعودنا عليها .. ورفعت نسبة الكافيين فى دمنا لدرجه صعب احيانا الاستغناء عنها .. 

ولكن علبنا أن ناخد بالنا ..

بأن زيادة تناوله يزيد نسبة الكافيين والتنينات فى الدم ودا بيؤثر على الجهاز العصبى وكمان بيحفظ الماء بالجسم فيزيد الوزن ويرفع مستوى الحموضه بالمعده .. 

ايضا لو استمر الشاى (السايب -الباكت ) فى الماء السخن اكتر من 3 دقاقيق بيتم استخلاص الاوكسالات اللى بتقلل امتصاص الكالسيوم والعظم يضعف 

وكذلك بيقلل امتصاص الحديد وتحصل الانيميا ..

من كل دا نقلل الاضرار ازاى .........

* نشرب مره او اتنين شاى مش تقيل ويكون بين الوجبات فقط بمعنى قبل او بعد الاكل على الاقل بساعتين .

* نتعلم نعمل الشاى بصوره صحيحه لان الشاى الكشرى بيستمر تواجد تفل الشاى فيه اكتر من 3 دقايق وتستخلص منه الاكسيلات وتمام لو وضعنا الشاى من اولوضع الماء على النار يبقى لازم قبل غلى الماء بدقيقه تقريبا يوضع الشاى ويتم الغلى مره او تنين على الاكثر بعدها يصفى الشاى من التفل ويشرب ...

بس امتى ؟

بين الوجبات قبل او بعد الاكل بساعتين على الاقل وممكن نضيف له نعناع او ريحان او غيرها من النباتات العطريه ..