درويشة بتوزع دفا
قصيدة : الفتى الطيب بكرى جابر
( درويشة بتوزع دفا )
.......
كنت عارف انك حقيقة
و لا رسامك روح خيال
كنت متراهن عليكي و يا بكره
تبقي واقع
مش محال
والليالي تقول يا عيني
و الهوى بيقول جنون
كان جنون اني قابلتك
و اما شُفتك ...
كنتي اجمل احتمال
اااه يا خال
هو الجمال كان أصله انثى
و الا ضرب من الخيال
ااااااه ياخال ...
اه ياليل من غير حبايب
اه ياعين و القلب دايب
ااااه يا تايه م الاماني
اصحى ... فوق
مش ح افوق ...
و اعيش معاكم
و انسى اعشني
ايه معاكم راح يكون لي زي هي ؟!
اصل هي ...
مش رطب و النخل طارح
او شفايف
كاس جنون
او نهود و الشعر سايح
ااااه يا رايح من زمانك و الحقيقة
الحقيقة انك هناك ...
مع بنت عودها من جريد النخل تكعبية عنب
درويشة بتوزع دفا
عيونها ذار
و الضمه ذكر
ممنوع تمر ....
إلا اما تخلع كل شال المستحيل
و تعٓمْدك
و تجور عليك
و تهننك
تبقى الأمير
مش من هناك
و لا من هنا
يا سندباد و الشعر عود
اياك تعود
اعزف على وتر الخيال و المحتمل
جايز في يوم .....
و إن لم تكون ......
اعزف على وتر الحياة شوقك مطر
تعليقات
إرسال تعليق