نصايح _ منزليه 🏠

 

كتبت  / منه الشبراوي 

 .. صابون المواعين  بالقوة الرباعية 

 

 تنظيف ولمعان وتطهير  وتوفير في وقت واحد 

هاتى زجاجة بريل فاضية وتحطى ١/٣  بالظبط اى سائل مواعين و عليهم 2   معلقة كبار كربوناتو + ١/٤ كوب خل هيحصل تفاعل اتركيه حتى يهدأ ثم كملى الزجاجة ماء مغلى ورجيها هيتكون معاكى صابون مواعين مركز جدا وبينضف ويعقم بفعل الخل والكربوناتو .

.. سائل للتنظيف المتنوع 

 هاتى جركن كبير فاضي وحطى فيه كوب سائل مواعين بريل أو فيرى او اى نوع بتستخدميه وضيفى  عليه ١/٤ كوب كلوركس ألوان و١/٢ كوب خل وكملى الجركن ماء مغلي ضرورى يكون مغلي ورجيه 

 استخدميه في تضنيف البوتجاز وكمان تنضيف السيراميك والارضيات وكمان غسيل الانتريه والسجاد على الناشف .

.. للتلميع 

لازم يكون عندك بخاخة فيها خليط من الخل والميه للتنضيف والتعقيم في أخر يومك لمعى بيها بوتجازك قبل ما تنامى وكمان الرخامة والحنفيات 

.. فوط المطبخ 

المطبخ لازم يكون فيه فوطتين تلاتة على الأقل واحده تمسحى فيها ايدك وواحدة تمسحى بيها اى حاجة تبهدل البوتجاز والتالتة علشان تلمعى بيها الرخامة او اى حاجة تانى وفى نهاية اليوم اغسليهم بشويه  سائل المضاف اليه كلوركس وخل  حتى تصبح الفوط  صحية للاستعمال  اليومى. 

لتنضيف الشفاط 

 معلقتين كربوناتو على ١/٢ كوب خل وميه سخنة واتركيه يتنقع اقل حاجة ١/٤ ساعة وادعكيه بصابون مواعين .

ونصيحة اعمليله تنضيف على الأقل مرة في الأسبوع عمر ما الدهون هتتراكم عليه

 **  طريقة تانيه سهلة جدا 

جربى ترشى عليه كمية من الدقيق  وبأى حاجه معدن عندك شيلى الدهون  هتنضف معاكى بسرعه  وسهولة 

.. المطبخ الخشب والالوميتال 

 اصنعى خلطة عبارة عن معلقتين كبار بريل على ١/٤ كوب خل وفي بخاخة رجيهم كويس ولمعى بيهم  وبفوطة ناشفة امسحيه لازالة أى ترسبات

 أما المطبخ الالوميتال ١/٤ كوب بريل على ١/٢ كوب خل على عصير ليمون وكمية ماء مناسبه ولمعى بيهم وبعدين فوطة مبلولة ومعصورة ونشفى هيكون  جديد

.. لسواد فواصل السيراميك 

 خلطة مفعولها ولا السحر ولا تقولى كلور ولا فلاش هاتى كميات متساوية من كوب كربوناتو وكوب ملح ليمون وكوب خل وكوب برسيل واربعة لتر ماء ساخنة هيحصل تفاعل 

هتاخدى من الخلطة  وتحطيها على الفواصل واتركيها ١/٤ ساعة ولازم الأرضية تكون ناشفة علشان مفعول الخلطة يتفاعل كويس وبفرشاة حمام وادعكى الفواصل النتيجة ممتازة 

.. لنزع الاستيكر من على البوتجاز

 أفضل طريقه الباور ولو غير متوفر عندك .. اسكبى  ماء ساخن من الكاتيل على مكان الاستيكر من فوق هيطلع معاكى بسهولة او ممكن كمان مكواة او سشوار

.. البراد والكنكه  

الكركاديه المغلي حطي اي براد او كنكه استانلس

 او المنيوم اسودت وسيبيها تغلى معاه وسيبيها ساعه فيه وبعدين اغسليه عادي جدا

أتمنى  النصايح تعجبكم 🌹