أبويا وف آخِر لحظات _ حسن ابو عرب

 

شغر / حسن أبو عرب 

أبويا وف آخِر لحظات

نصحني وصَاني وصيه

على كِتفي طبطَب 

قبل ما مات

حذرني مِن دنيا دنِيَّه

قال يَبنِي أمِنتَك أمانات

تدعِيلِّي دايما

 فى الصلوات

وتقول لَبُويَا دي هديه

أُمَّك على راسَك شِيلهَا

وعيونه تزرف بالدمعات

أهلك وناسك توصِلهَا

وصيتي لَك وباقُولهَا

انْتَ اللي بَعدِي للبنات

خليكوا دايما

 يبني اخوات

كات راس ابويا 

على صدري

وادينُه ماسكَه فى ايديَّا

والمُوت بأوصالُّه بيسري

وفراقه بيقَطع فيا

فداك ياغالي سنين عُمري

فداك م أملِك م الدنيا

آخر كلامُه كان الله

والمولى ويَّاه وفى عُونُه

أبويا باع الروح لله 

سَبِّلت بإديا عيُونُه