لما بمسى عليه

 

زهره مصطفى 

لما بمسى عليه و بصبح

بلقى الدنيا فى شكل جديد

زى البنت فى يوم العيد

تضحك فرحة 

بعيون صافية 

شكل الورده فى البساتين

ابيض ... اصفر ..

أخضر .. أزرق 

وفيونكاتها الحمرا تطير

لما النسمة تﻻعب روحها

كده ضفايرها شمال ويمين

ﻻبسه ساعتها 

تقول شبكتها

حتى الشنطة في ايدها 

جميلة 

بتغرى بلونها عيون صحباتها 

ده لما بمسى عليه و بصبح

كل جمال الدنيا بيرجع 

زى الفرحه

فى ليلة العيد

والبنوته الصاحية 

تدور

فين التوكة والبﻻلين 

عاوزة تجرى 

تلعب تفرح

بس انا خايفه

يجى اليوم 

اصحى ادور 

ضاعت منى 

فرحة عيدي

القى الحلم 

كأنه كابوس

والبنوته الحلوة 

تعدى 

بس عيونها

خوف ودموع