القلب كتير بيحن .. يميل ..

 

شعر / زهره مصطفى 

القلب كتير بيحن .. يميل ..

مالهوش غير حلم بسيط وجميل

ويعدى اليوم .. يجى بعده اليوم 

و سنين بتفوت  .. و الوقت يموت 

و البال خالى 

والعمر يضيع  حواديت حواديت  

وف لحظة شوق 

بتاخدنا لفوق عن كل الكون 

وتخبينا 

نرجع  تانى .. 

و نقول  تانى 

 القلب صفا  وﻻ جفانى 

ونكتب اشعار 

ونغنى اهات 

انا كده محتار ويا زمانى 

ياقليب جواه حب واشواق 

انا خايفه عليك غدر زمانى 

هتحب ؟  حب متسألنيش 

ازاى هتعيش وهتعمل ايه 

مهما جرالك 

خلينى هناك ويا الاحلام 

انا هستناك 

علشان عارفاك 

هتعدى ايام 

فى غرام وهيام 

وتفوق من النوم ترجع تانى 

هضحك وهاعيش 

وكأن مفيش 

ﻻ جراح فى حشاك 

وﻻ كلمة عتاب 

تسألنى ازاى 

راح ينسانى