# مفيش فايدة
# مفيش فايدة
شعر / زهره مصطفى
ذنبى ان حبيتك
وذنبى الاكبر محبتنيش
لا انا عارفه اتوب منك
ولا قادرة فى حضن قلبى
تيجى تعيش
مفيش فايدة
*****
احايل قلبى ف بعادك
واقول للروح بلاها هواه
الاقى الدنيا فاتحه لى بيبان
الرهبه والاحزان
فأعود من تانى افتحلك
واكتبلك سلامتك .. فين ؟
وبستنى ترد سلامى
وتنسانى ....
والتمسلك كتير اعذار
اقول يمكن ماهوش فاضى
واقول ناسى وخالى البال
مفيش فايدة
*****
يعدى الوقت 100. مرة
وبستناك
ومن الاصل هواك بايع
بدايلى كتير ومش راجع
وعلى رف احتياطى الشوق
رميت قلبى
كأنك سايبه لما العمر يضيع منى
فترجعلى
وتيم قلبك الهلكان شبع منك
فتوجعنى
بكلمة عادى .. ايه مالك ؟
بلاش اللهفة واتعاملى
ولما ظروفى تسمحلى
هاكون جنبك
واحس ف قلبى طفل جريح
واتبسم...
واتعجب...
واتندم....
تقول مالك ؟؟؟
ارد ..... مفيش !!
تعليقات
إرسال تعليق