ماتيجى نعدل الصورة .. الشاعرة / نجاة عبد القادر
ماتيجى نعدل الصورة
وتكتب اسمنا ونروح
وننسى النوح يجوز يمكن
نلاقى اللى اختفى مشروح
فى كام كلمة وكما جملة
مفيدة وكل شيء بوضوح
خلاص البوح بقاش يجدى
وانا بس اللى عندى السر
بطعم المر كنت ساعات
أحلى اللى اكتب بالظلم
تمللى الحلم كان صاحى
وكان دايما بيتاملنى ويعاند
وساند روحه على ماضى
مالوهشى حيطان
زمان كان الكلام موزون
بماس مضمون ومش مغشوش
وشوش الخلق كات دايما
تبان كده ضوء
تشوف الشوق بيان وشروق
تحس النبض يتكلم
تحس قلوبنا بتسلم
بدون اضغان
تحس أمان مابين الناس
حدوده لآخر الأزمان
تعالى نغير الصورة
ولو مكسورة تتصلح
بقد مافينا من احزان
قلوب ماتت سنين م القهر
تعالى نجيب قمر يفهمنا
زى زمان ويطرد ليل
تقيل وجبان
ونتعكز على فرعين من التوتة
اللى ياما استحملتنا زمان
تعالى نعيد سنين تاهت
ونفرشها بنغم مليان
قلوب عايزة تشوف حلمك
فى نينى النظرة يتكلم
ساعتها الكل حايسلم
بقلب من البياض بيشع
تعليقات
إرسال تعليق